8021236-1787489014.jpg
8021236-1787489014.jpg

رغم وفاة صاحبها..صفحة "شرطة المشاهير" تعود من جديد

عادت صفحة "شرطة المشاهير" مُجدّداً وذلك بعد مرور ما يقارب الشهرين على وفاة راغد قيس صاحب الحساب، وكتب القائمون عليها رسالة مُطوّلة للمتابعين.

وكتب الحساب الذي لا يعرف حتى الآن من يقوم بإدارته بعد وفاة مالكه: "مهما تعملوا أنا مكمل وطالما راغد عم ياخد نفس الشرطة مكملة وما في شي بهزها وثقتي بالناس اللي بتحبني وبتحب شرطة المشاهير واللي آمنت بهالخط من البداية، هيدي كانت وحدة من عباراتك يا راغد حبيب القلب ومن أسرة شرطة المشاهير منوعدك انو رح نكمل ونفسك وروحك بعدا ورح ضل بالصفحة بكل لون وسطر وصورة وضحكة وحزن متل ما كنت مميز بكل حالة وبكل وقت" حسب (العربية نت).

وأضاف الحساب: "طول عمرك كنت كبير بأخلاقك وتوقف مع الضعيف بوجه القوي والفقير بوجه الغني والمريض بوجه المرض والحق بوجه الظلم ونقدك ولو جارح ببعض الأوقات بس حقاوي وما حدا قد ما كان قريب لنهجك وطريقة كتابتك رح ياخد محلك لأن الناجح هو اللي بيتميز بقلمو وفكرو وطريقة شغلو، هيك إنت علمتنا".

وأكمل: "شكر من القلب لكل شخص تقدم بالتعزية عن روح الغالي راغد ولكل شخص ما تقدم بالتعزية أو انبسط فكرو ارتاح من شخص كان عقدة لكتير تافهين، شكر من القلب لكل شخص بعدو ولتاريخ هيدي اللحظة إيمانو كبير وما نسي شرطة المشاهير وناطر رجعتنا، شكر من القلب ومن روح راغد لكل شخص وقف حدو وكان صديق حقيقي وخاف عليه وفكر في قبل نفسو (بينعدو عالأصابيع) ولكل شخص صار راغد بالنسبة الو خبر كان".

وختم القائمون على الحساب رسالتهم قائلين: "بالنسبة لكل خبر عار عن الصحة طال سبب وفاة راغد أو أي خبر بالمستقبل ما حدا ينتظر أي رد أو توضيح لأن أي شي حقيقي ولازم تعرفوا بتم نشرو على منصات التواصل الاجتماعي التابعة لشرطة المشاهير، وقتنا مش لبياعي الحكي".